Чемпиондар лигасы: «Фейноорд» сенсация жасайды. «Аталантаға» қиын. «Бавариядан» көп гол күтпейміз
Ол небәрі 8 күнде екі жекпе-жек өткізіп үлгерген
Аса жеңіл салмақта өнер көрсететін қазақстандық боксшы қыз Ангелина Лукас кезекті жекпе-жегін өткізіп, жеңіске жетті.
Стамбұлда өткен бокс кешінде Лукас венесуэлалық Джоана Зунигамен жұдырықтасқан. Төрешілер шешімімен Қазақстан боксшысы жеңіске жетті.
«Латын Америкасынан келген боксшымен болған жекпе-жектегі жеңісімді сүйікті еліме, отбасыма және әрбір жанкүйеріме арнаймын. Менің жолым мен еңбегім ауыр, бірақ жеңістің наны тәтті. Қиындықтың бәрін жеңістен кейін ұмытып кетесің», - деп жазды Лукас өзінің Instagram-парақшасында.
Осылайша Ангелина Лукас кәсіпқой бокстағы 13-ші жеңісіне қол жеткізді. Ол бір рет жеңілген. Ал, Зунига болса 18 рет жеңіп, 9 рет жеңілген.
Айта кету керек, Лукас бұған дейін рингке 31 қаңтарда шыққан болатын. Мәскеуде өткен «IBA Чемпиондар түнінде» ол нигериялық боксшыны техникалық нокаутпен жеңген болатын.
