Наталья жартылай финалға жолдама алды.
Англияның Ливерпуль қаласында өтіп жатқан World Boxing тұңғыш әлем чемпионатында Қазақстан құрамасы алғашқы медальға қол жеткізді. Бұл жетістікке 70 келіге дейінгі салмақта бақ сынап жатқан қазақстандық боксшы Наталья Богданова жетті.
Ширек финалда Богданова түркиялық Сема Чалышканмен кездесті. Отандасымыз сенімді қимылдап, қарсыласын екінші раундта нокдаунға түсірді. Төрешілердің бірауыздан шығарған шешімі бойынша (5:0) жеңіске жеткен Наталья жартылай финалға жолдама алды.
Осылайша, Наталья Богданова Қазақстан құрамасына әлем чемпионатындағы алғашқы жүлдені – кемінде қола медальді сыйлады. Бұл Қазақстан үшін тарихи жетістік болып отыр.
Жартылай финалда Богданова 13 қыркүйекте жергілікті фаворит саналатын ағылшын боксшысы Шантель Рейдпен күш сынасады. Айта кетейік, чемпионаттағы алғашқы кездесуінде Наталья үндістандық Санамача Чоксомды жеңген болатын.
1999 жылы дүниеге келген Наталья Богданова бұған дейін де халықаралық деңгейде көзге түскен. Ол 2022 жылы Азия чемпионатының қола жүлдегері атанған, ал биыл елордада өткен Әлем кубогында топ жарды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
