Жаңа Зеландия боксшысы Тавхириматеа Тохерири-Халлетпен жұдырықтасты
Дубайда (БАӘ) өтіп жатқан Халықаралық бокс қауымдастығы (IBA) ұйымдастырған 2025 жылғы әлем чемпионатында қазақстандық боксшы Сабыржан Аққалықов кезекті сенімді жеңісіне қол жеткізді.
75 келі салмақ дәрежесінде 1/8 финалда Аққалықов Жаңа Зеландия боксшысы Тавхириматеа Тохерири-Халлетпен жұдырықтасып, үш раундтың барлығында басымдық көрсетіп, 5:0 есебімен жеңіске жетті. Төрешілердің бірауызды шешімімен отандасымыз ширек финалға жолдама алды. Ал қарсыласы турнир жолын осы кезеңде аяқтады.
Айта кетейік, Сабыржан Аққалықов өзінің алғашқы жекпе-жегінде Сейшель аралдары өкілі Джошуа Аарон Кузинді екінші раундта нокаутқа жіберіп, айқын басымдықпен жеңген болатын.
Келесі кезеңде 2021 жылғы жастар арасындағы әлем чемпионы Аққалықов өзбек боксшысы, World Boxing нұсқасы бойынша 2025 жылғы әлем чемпионы Фазлиддин Эркинбоевпен кездеседі.
2025 жылғы әлем чемпионаты 4/13 желтоқсан аралығында өтеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
