Финалда сенегалдықтар Марокконы жеңді
Сенегал құрамасы Африка Ұлттар Кубогын өз тарихында екінші рет топ жарды. Финалда сенегалдықтар Марокконы жеңіп, турнирдің ең даулы әрі есте қаларлық матчтарының бірінде чемпиондыққа қол жеткізіп отыр.
Сенегал Африка құрлығындағы ең жоғары әлеуетке ие ұлттық құрама. Соңғы төрт кубок турнирінің үшеуінде финалға шыққан «Теранга арыстандары» бұл жолы да өз мықтылығын дәлелдей алды. Ал Марокко болса, жүйелі дамуы мен соңғы жылдардағы табыстарына қарамастан, шешуші сәтте жеңіске жете алмады.
Финал өте шиеленісті жағдайда өтті. Екі команда да қорғаныста жоғары деңгейде шеберлік танытып, негізгі уақытта гол соғылған жоқ. Марокко қақпашысы Буну бірнеше қауіпті соққыны қайтарып, командасын бірнеше рет құтқара алды.
Матчтағы басты дау овертайм алдында болды. Бұрыштан берілген доп кезінде Браим Диасқа қарсы ереже бұзылды деген шешіммен төреші пенальти белгіледі. Сенегал футболшылары бұл шешімге наразы болып, тіпті алаңнан кетуге шақ қалды. Осы сәтте команда капитаны Садио Мане әріптестерін алаңға қайта алып шығып, ойынды жалғастыруға көндірді.
Пенальтиді орындаған Браим Диастың соққысын Сенегал қақпашысы Эдуар Менди допты кері қайтарды. Бұл сәт матчтың тағдырын түбегейлі өзгертіп, шешуші сәтте Пап Гей алыстан дәл соққы жасап, есеп ашты. Бұл гол Марокконың жарты ғасырдан бергі чемпиондық арманын күл-талқан етті. Қалған уақытта есеп өзгермей, Сенегал құрамасы жеңіс тойын тойлады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
