Түркияның «Галатасарай» клубы 5:2 есебімен ойсырата жеңді
Чемпиондар лигасының плей-офф кезеңінде Түркияның «Галатасарай» клубы алғашқы матчта туриндік Ювентус командасын 5:2 есебімен ойсырата жеңді.
Ыстамбұлдағы ойында алаң иелері сапында Габриэл Сара (15-минут), Ноа Ланг (49, 75), Давинсон Санчес (60) және Саша Боэ (86) гол соқты. «Ювентус» құрамынан Тен Копмейнерс (16, 32) дубль авторы атанды.
Енді қарымта матч 25 ақпанда Туринде өтеді. Аталған жеңіліс «Ювентус» үшін 68 жылдан бері еурокубоктардағы ең ірі сәтсіз ойын болды.
Opta мәліметінше, туриндік клуб УЕФА аясындағы ресми ойында соңғы рет 1958 жылдың 1 қазанында бестен көп гол жіберген. Сол кезде Еуропа чемпиондар кубогының алдын ала кезеңіндегі қарымта кездесуде италиялық команда австриялық «Винерге» 0:7 есебімен жол берген еді.
Сондай-ақ «Галатасарай» 2014 жылдан бері алғаш рет Чемпиондар лигасының плей-офф кезеңінде матч өткізіп отыр.
Айта кететін жайт, негізгі кезең қорытындысы бойынша «Ювентус» 13-орынға, ал «Галатасарай» 20-орынға тұрақтаған болатын.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
