Екі футболшының әрқайсысына 500 мың еуро көлемінде айыппұл салынған
«Реал Мадрид» клубының жартылай қорғаушылары Федерико Вальверде мен Орельен Тчуамени жаттығу кезіндегі жанжалдан кейін ірі көлемде айыппұл төлеуге мәжбүр болды.
Белгілі инсайдер Фабрицио Романоның мәліметінше, екі футболшының әрқайсысына 500 мың еуро көлемінде айыппұл салынған. Осылайша, жалпы санкция көлемі 1 миллион еуроға жеткен.
Сонымен қатар клуб ойыншыларға спорттық жаза қолданбау туралы шешім қабылдаған. Бұған олардың болған жағдайдан кейін кешірім сұрауы себеп болғаны айтылды.
Бұған дейін испаниялық БАҚ «Реал» жаттығуы кезінде екі ойыншы арасында төбелес шыққанын хабарлаған еді. Мәліметке сәйкес, жанжал барысында Орельен Тчуамени командаласына соққы жасап, нәтижесінде Федерико Вальверде құлап, басын қатты соғып алған.
Кейін мадридтік клуб Вальверденің бас-ми жарақатын алғанын ресми түрде растады. Дәрігерлердің болжамынша, ол шамамен екі апта алаңға шыға алмайды.
Осылайша «Реал Мадридтың» негізгі ойыншыларының бірі Испания чемпионатының 35-туры аясындағы Барселонаға қарсы маңызды кездесуді өткізіп алады. Матч 10 мамыр күні өтеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
