Давид Лория «Жеңістің» жаңа бас директоры атанды
Астаналық «Жеңіс» футбол клубы кадрлық өзгеріс туралы ресми түрде хабарлап, Давид Лорияның клубтың бас директоры қызметіне тағайындалғанын жариялады.
Қазақстан ұлттық құрамасының бұрынғы қақпашысы Давид Лория үшін бұл тағайындау туған клубына қайта оралумен тең. Ол – Астана қаласының тумасы, «Жеңістің» түлегі және елордалық клуб сапында Қазақстанның үш дүркін чемпионы атанған футболшы.
Клуб мәліметінше, Давид Лория 2021 жылы басталған «Жеңістің» қайта жаңғыруына тікелей атсалысқан тұлғалардың бірі болды. Енді ол бас директор қызметінде Айдын Қожахметтің орнын басады.
Ал осы уақытқа дейін клубты басқарған Айдын Қожахмет «Жеңіс» құрылымынан кетпейді. Ол өз жұмысын атқарушы директор лауазымында жалғастырады.
Айта кетейік, ол бұған дейін Қазақстан футбол федерациясының вице-президенті қызметін атқарған.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
