Қаржы тапшылығы трансферлік жұмыстарға да әсер еткен
Сауд Арабиясының чемпионы атанған «Әл-Наср» клубы қаржылық қиындықтарға байланысты футболшыларының жалақысын уақытылы төлей алмай отыр.
Arriyadiyah басылымының мәліметінше, команданың бірнеше ойыншысы маусым айындағы еңбекақысының тек бір бөлігін ғана алған. Клуб басшылығы жақын арада барлық берешекті толық өтеу үшін қажетті шараларды қабылдап жатқанын хабарлады.
Қаржы тапшылығы трансферлік жұмыстарға да әсер еткен. Атап айтқанда, келісімшарты аяқталып, клубтан кеткен хорватиялық жартылай қорғаушы Марсело Брозовичтің орнына шетелдік ойыншыны алу жоспары уақытша тоқтатылды. Қазіргі таңда басшылық қаржылық жағдай толық айқындалғанша үміткерлермен ресми келіссөз жүргізуді кейінге қалдырған.
Айта кетейік, Португалия құрамасының жұлдызы Криштиану Роналду өнер көрсететін «Әл-Наср» өткен маусымда Сауд Арабиясы чемпионатының жеңімпазы атанған.
Ордабасы
Кайрат
Окжетпес
Астана
Улытау
Елимай
Актобе
Атырау
Жетысу
Женис
Кайсар
Кызылжар
Тобол
Туран
