ҚПЛ 20-тур: Ордабасы көшбасшы болды. Ақтөбе қазақ бапкерлерге неге сенбейді? Қайрат ЛЧ-ге дайын
Сәтпаев бұған дейін «Бернлидің» негізгі құрамында бір рет ойнап үлгерді
«Бернли» Чемпионшиптің үшінші турында «Норвичке» қарсы өтетін сырт алаңдағы матчқа негізгі құрамын жариялады. Қазақстан құрамасының 18 жастағы шабуылшысы Дастан Сәтпаев кездесуді алғашқы минуттан бастайды.
Бұл – Сәтпаевтың Англия чемпионатында алғаш рет негізгі құрамға енуі. Ол Чемпионшиптегі дебютін 23 тамызда «Вест Бромвичке» қарсы өткізген. Сол ойында қазақстандық футболшы 57-минутта алаңға шығып, 33 минут ойнады. Кездесу «Бернлидің» 1:3 есебімен жеңілуімен аяқталған еді.
Сәтпаев бұған дейін «Бернлидің» негізгі құрамында бір рет ойнап үлгерді. 26 тамызда Англия лигасы кубогының екінші айналымында «Брэдфорд Ситиге» қарсы сырт алаңдағы кездесуде ол матчты алғашқы минуттан бастаған. Негізгі уақыт 0:0 есебімен аяқталып, пенальти сериясында «Бернли» 2:4 есебімен жеңіліп, турнирден шығып қалды.
Осылайша, «Норвичке» қарсы кездесу Сәтпаев үшін «Бернли» сапындағы қатарынан екінші негізгі құрамдағы матч болмақ.
Чемпионшиптің алғашқы екі турынан кейін «Бернлидің» еншісінде бір ұпай бар және команда турнир кестесінде 17-орында тұр. Ал екі матчта да жеңілген «Норвич» 23-сатыда орналасқан.
Ордабасы
Кайрат
Астана
Окжетпес
Актобе
Елимай
Улытау
Женис
Тобол
Кызылжар
Каспий
Атырау
Кайсар
Жетысу
Иртыш
Алтай
