Қазір «Ордабасы» жаңа бас бапкер іздестіріп жатыр
Шымкенттің «Ордабасы» футбол клубы молдовалық маман Андрей Мартинмен келісімшартты ұзартпау туралы шешім қабылдады. Тараптар ынтымақтастықты тоқтатуға келіскен.
AmanVIBE мәліметінше, клуб басшылығы мен 52 жастағы бапкер кездесіп, келісімшартты ұзартпау жөнінде шешім қабылдаған. Ал маманның қызметінен кетуіне құрам жасақтау және трансферлік саясатқа қатысты келіспеушіліктер себеп болған.
Дереккөздің хабарлауынша, клуб басшылығы Мартиннің кейбір ойыншыларды командаға тарту жөніндегі шешімдерін қолдамаған. Әсіресе футболшыларға ұсынылған келісімшарт талаптары мен қаржылық шарттарға қатысты пікір қайшылығы туындаған.
Қазір «Ордабасы» жаңа бас бапкер іздестіріп жатыр. Клуб келесі маусымда Қазақстан чемпиондығын қорғап қана қоймай, еурокубоктердің жалпы кезеңіне шығуды мақсат еткен. Осыған байланысты басшылық Еуропада жұмыс тәжірибесі бар маманды шақыруды қарастырып отыр. Бұған дейін клуб жаңа бапкерге жылына екі миллион еуроға дейін жалақы ұсынуы мүмкін екені хабарланған.
Андрей Мартин «Ордабасыны» 2024 жылдың желтоқсанынан бері жаттықтырды. Оның жетекшілігімен шымкенттік команда 2026 жылғы маусымда Қазақстан Премьер-лигасының чемпионы атанып, ел Кубогын жеңіп алды. Осылайша, клуб тарихында алғаш рет алтын дубль жасады.
Мартиннің бас бапкер ретіндегі көрсеткіші де жаман емес: «Ордабасы» оның жетекшілігімен 69 матч өткізіп, 39 рет жеңіске жетті, 15 кездесуде тең түсіп, тағы 15 ойында жеңілді. Команда бұл матчтарда 121 гол соғып, өз қақпасына 63 доп жіберген.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Қызылжар
Каспий
Ертіс
Атырау
Алтай
Жетісу
Қайсар
