Жаңа Подкаст! Қонақта Марат Достаев пен Алдияр Жапарханов

Футболдан Қазақстанның әйелдер құрамасы Арменияны ірі есеппен ұтты (ВИДЕО)

06.12.2023, 08:52

Жерлестеріміз турнир кестесінің үшінші сатысына жайғасты

Футболдан Қазақстан әйелдер құрамасы Ұлттар лигасысының топтық кезеңіндегі соңғы ойында Армениядан басым түсті. Астанада өткен ойында есепті 40-минутта Юлия Мясникова ашты.

Құрама капитаны айып добын орындау кезінде мүлт кеткен жоқ. Екінші таймда отандасымыз Аида Гайстенова есепті еселеп, тағы гол соқты. Ал 58-минутта Юлия Мясникова дубль авторы атанып, жеңіске деген сенімді нықтай түсті.

Тартысты мачта Армения құрамасы бір голмен жауап қатқанымен, 71-минутта Камила Құлмағамбетова Қазақстан құрамасының төртінші голын соқты.

Осылайша лига ойындары аясындағы Қазақстан – Армения кездесуі 4:1 есебімен тәмам болды. 

Мадияр Кембілов шәкірттері Армения құрамасымен қыркүйекте өткен алғашқы матчта да басым түсіп, 2:1 есебін тіркеген еді.

Ұлттар лигасысының топтық кезеңінде әйелдер құрамасы 8 ұпаймен үшінші орынға жайғасты. Бұл ретте Израиль құрамасы 16 ұпаймен көш бастаса, Эстония 10 ұпаймен екінші сатыда тұр. Ал Армения құрамасы топтық кезеңде мүлдем жеңіске жеткен жоқ.

×
Жаңалықтар Футбол Хоккей Бокс MMA Теннис Баскетбол Ұлттық спорт