Оған Қарағанды футболының аңызы Андрей Финонченко көмектеседі
Қарағандылық «Шахтер» биылғы сәтсіз маусымнан кейін ойыншылар құрамын ғана емес, бапкерлік штабты да күшейтіп жатыр. Кеншілер клубын енді Чехияның әйгілі футболшысы Иржи Ярошек жаттықтырады. Бұл туралы «Шахтердың» президенті Талғат Дүйсеков мәлімдеді.
Еске салайық, биыл «Шахтер» ҚПЛ-де соңғы 13-орын алып, тарихында алғаш рет Бірінші лигаға төмендеді. Осыдан кейін Қарағанды облысының әкімі клубтың басшысын ауыстырып, спорттық ұжымға жаңа міндет жүктеген болатын.
Иржи Ярошик – кәсіби футоблшы, ол Англияның («Челси» құрамында), Шотландияның («Селтик» құрамында), Чехияның («Спарта» құрамында), Ресейдің (ЦСКА құрамында) чемпионы болған, испандық Примерада үздік ойын көрсеткен («Сарагоса» мен «Алавес» құрамында). Жоғары дивизиялық еуропалық чемпионаттарда кәсіби клубтарды жаттықтыруға құқық беретін UEFA PRO лицензиясы бар. «Шахтерға» келгенге дейін Чехия, Словакия, Словения мен Ресей клубтарында жаттықтырушы болған.
Чех маманынан бөлек, бапкерлік штабқа Петар Алексеевич пен Джозеф Муха да қосылды. Ал, бұған дейін жұмыс істеп келген Қарағанды футболының аңызы Андрей Финонченко жаңа командамен бірге жұмысын жалғастырады.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
