Молдовалық маман бұған дейін «Петрокуб» тізгінін ұстады
Молдовалық маман Андрей Мартин «Ордабасы» футбол клубының бас бапкері қызметіне тағайындалды.
Жаңа жаттықтырушыны клуб директоры Асхат Сейсембек таныстырды. Мартин осыған дейін өз еліндегі «Петрокуб» командасында тізгінін ұстады. 2023/2024 жылғы маусымда аталған ұжыммен Молдова чемпионаты мен Молдова Кубогын жеңіп алды. Команда УЕФА Конференциялар лигасының топтық кезеңінде ойын көрсетті.
«Петрокуб» биыл Чемпиондар лигасының іріктеу кезеңінде дәл осы «Ордабасыны» жеңіп кеткен. Шымкенттік жанкүйерлерді «ренжіткен» маман сол кезде «Ордабасы» басшыларының көзіне түссе керек.
Молдовалық бапкер 1974 жылдың 27 маусымында дүниеге келген. Футболшы ретінде қорғаушы, жартылай қорғаушы шебінде ойын көрсеткен.
2008 жылдан бері бапкерлік қызметпен айналысады. Екі жыл бұрын «Петрокуб» клубының тізгінін ұстады.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
