Черногориялық ойыншы өзін қолдағандарға алғыс айтты
Бүгін Петропавлдың «Қызылжар» клубы Черногория құрамасының бұрынғы жартылай қорғаушысы Дарко Зоричтің командадан кеткенін ресми түрде хабарлады. Ол 11 матчта 3 гол соққан болатын.
Match.KZ паблигінің мәліметінше, Зорич физикалық даярлық бойынша бапкермен төбелесіп қалған соң клубтан кету туралы шешім қабылдаған. Черногориялық ойыншының өзі жанжал болғанын жоққа шығармады:
«Командаға және онда жұмыс істейтін адамдарға деген құрметім үшін бұл жағдайды түсіндіруге асықпаймын. Тек клубтан кету туралы шешім қабылдағанымды айта аламын», – деді ол.
Ал ресми қоштасу сөзінде Зорич алғысын жаудырған:
«Жанкүйерлерге қолдауы үшін, бапкерлік құрамға, медицина қызметкерлері мен клуб қызметкерлерінің барлығына рақмет. Барлығыңызға амандық, отбасыларыңызға денсаулық тілеймін. Мен сіздерді ешқашан ұмытпаймын – сіздер мен үшін отбасыма айналдыңыздар. Бұл уақыт үшін шын жүректен рақмет!»
«Қызылжардың» физикалық дайындық бойынша бапкері – 31 жастағы Беларусь маманы Евгений Кресик. Айта кетсек, ол да Зоричпен қатарлас. Match KZ дерегі бойынша, ол да клубтан кетуі мүмкін.
Қазір «Қызылжар» ҚПЛ-да 14 команданың ішінде 9-орында тұр.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
