Елордалық клуб 3:1 есебімен жеңіске жетіп, турнирдің үшінші кезеңіне өтті
Қазақстандық «Астана» футбол клубы Конференциялар лигасының екінші іріктеу кезеңінің қарымта матчында молдовандық «Зимбру» командасын сенімді түрде жеңіп, келесі кезеңге жолдама алды.
Кездесу Кишинев қаласындағы «Зимбру» стадионында өтті. Ойынға бельгиялық төреші Брам ван Дриске бастаған қазылар алқасы төрелік етті.
«Зимбру» (Молдова): Чеботарь, Золотов, Бургиу, Штефан, Доссо, Диогу Родригеш, Бруну Пош, Лу Ранера, Клещенко, Шарковский, Козловский.
«Астана» (Қазақстан): Чондрич, Вороговский, Аманович, Казуколовас, Бартолец, Калаица, Грипши, Башич, Камара, Чинеду, Томасов.
Ойынның алғашқы жартысында-ақ «Астана» қарсыласынан басым түсті. 18-минутта Джеффри Чинеду есеп ашса, үш минуттан кейін Усман Камара есепті 2:0-ге жеткізді. Екінші таймда есеп өзгермей, кездесу дәл осы нәтижемен аяқталды.
Алғашқы матчта командалар 1:1 есебімен тең ойнаған еді. Осылайша, қос кездесудің қорытындысы бойынша елордалық клуб 3:1 есебімен жеңіске жетіп, турнирдің үшінші кезеңіне өтті.
Келесі айналымда «Астана» Швейцарияның «Лозанна» клубының бірімен кездеседі.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
