Соңғы матч Жапония құрамасына қарсы өтеді
Алматыда өтіп жатқан хоккейден Азия чемпионатында Қазақстан құрамасы Қытайды 6:1 есебімен ойсырата жеңді.
Қазақстан сапынан қорғаушы Дмитрий Бреус хет-трик авторы атанса (17, 51 және 57-минуттар), Андрей Буяльский (31), Дмитрий Гренц (45) және Евгений Королинский (46) бір-бір голдан соқты. Ал, Қытай құрамасы сапынан Чжэн Минцзюй (27) көзге түсті.
Еске салайық, Азия чемпионатын Қазақстан құрамасы сәтсіз бастады. Бірінші матчта Болякин шәкірттері Оңтүстік Корея құрамасынан 1:4 есебімен жеңіліп қалған.
Енді топтағы соңғы ойын Жапонияға қарсы өтеді. Жапондар алғашқы екі матчта да жеңіске жетті. Алдымен Қытайды 4:1 есебімен ұтса, артынша Оңтүстік Кореяны 5:2 есебімен тізе бүктірді.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
