Джек Делла Маддалена бразилиялық Карлос Пратеспен кездесті
UFC-дің жартылай орта салмақтағы бұрынғы чемпионы Джек Делла Маддалена UFC Fight Night 275 турнирінде бразилиялық Карлос Пратеспен кездесті.
77,1 келіге дейінгі салмақта өткен жекпе-жек Пертте (Аустралия) ұйымдастырылған кештің басты айқасы болды. Кездесуге Делла Маддалена дивизион көшбасшысы ретінде шықса, Пратес рейтингтің бесінші сатысында тұрған еді. Бес раундқа жоспарланған айқас толық уақытқа созылған жоқ. Үшінші раундта Карлос Пратес техникалық нокаутпен жеңіске жетті.
Осылайша, Карлос Пратес UFC-дегі қатарынан үшінші жеңісіне қол жеткізсе, Джек Делла Маддалена екінші рет қатарынан жеңіліп отыр.
Еске салайық, 29 жастағы аустралиялық файтер UFC чемпионы атағын 2025 жылдың мамыр айында Белал Мұхаммадты төрешілер шешімімен жеңген. Сол кезде ол жарақатына байланысты айқастан шығып қалған қазақстандық Шавкат Рахмоновтың орнына шыққан болатын.
Алайда Маддалена чемпиондық белбеуден 2025 жылдың қарашасында айырылды. Ол кезде ресейлік Ислам Махачевпен өткен бес раундтық жекпе-жекте дағыстандық файтер толық басымдық танытып, төрешілердің бірауызды шешімімен жеңіске жеткен еді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
