Америкалықтар қазақ файтері туралы ақпараттың тым аз екенін айтады
UFC-де бұрын өнер көрсеткен америкалық танымал файтер Чейл Соннен қазақ Шавкат Рахмонов туралы пікірін айтты.
Еске салайық, Астана уақытымен 8 желтоқсан күні таңғы уақытта Шавкат Рахмонов Лас-Вегаста кезекті жекпе-жегін өткізеді. Бұл жолы оған ирландиялық Иэн Гэрри қарсы тұрмақ. Қос файтер де бұрын-соңды жеңіліп көрмеген.
«Рахмонов деген аты ма, тегі ме, әлде лақап аты ма, адамдар мұны білмейді. Айтпағым, бұл жігіт туралы ештеңе білмейміз, себебі ол сұхбат бермейді.
Дегенмен, бұл жігіт қатарынан 18 қарсыласының көзін жойды! 18 жекпе-жек — 18 финиш. Құдды халық шығармашылығы секілді. Кішкентай кезімде, осыдан 100 жыл бұрын осыған ұқсас нәтиже тіркеген адам жайлы естігенмін. Аңыздағы батырлар секілді дегенім ғой. Бұл жігіттің бойында шынымен бір қасиет бар», — деді Соннен өзінің ютуб-каналында.
Айта кетейік, Шавкат Рахмонов желтоқсанда чемпиондық титул үшін Белал Мохаммедпен төбелесуі керек болған. Алайда, америкалық файтер жекпе-жекке бірнеше күн қалғанда жарақат алғанын айтып, кездесу кейінге шегерілді.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
