Мухаммад UFC чемпионы атағына 2024 жылғы тамызда қол жеткізді
Жартылай орта салмақта UFC чемпионы Белал Мухаммадтың (20-3) бапкері Луис Тэйлор шәкіртінің болашағына қатысты жоспары туралы айтты.
«Белал жартылай орта салмақтағы ең үздіктердің бірі, тіпті ең үздігі екенін дәлелдегісі келеді. Жартылай орта салмақта UFC чемпиондық белдігін иелену оның бірінші арманы болды. Шах және мат – жасалды. Оның ендігі мақсаты – жоғарыға көтеріліп, хейтерлерге өз дивизионындағы ең үздік екенін дәлелдеу. Ол осы жолды жүріп өту үшін тырысып жатыр.
Ол Камару Усман, Мэтт Хьюзді басып озып, Жорж Сен-Пьерді қуып жеткісі келеді және бұл туралы бүкіл әлемге айтуды көздейді. Жауынгерге мақсат керек. Мотивация қажет. Бір айқастан екінші айқасқа дейін ағынмен ғана жүретін адам болмауың керек. Сені ұлы ететін күш керек. Саған мақсат керек және бұл біздің лагерьдің келесі мақсаты», - деді ол Sportskeeda-ға берген сұхбатында.
Мухаммад жартылай орта салмақта UFC чемпионы атағына 2024 жылғы тамызда қол жеткізді. Сол жекпе-жекте ол Леон Эдвардсті төрешілердің ортақ шешімімен жеңді.
Енді ол қазақстандық Шавкат Рахмоновпен айқаста чемпиондық белдігін сарапқа салады.
