ЖБ Шоу! Жаңа шығарылым! Минсктегі оқиға: маскүнем жанкүйерлер, Ұлы Жеңіс және масқара жеңіліс

UFC Асу Алмабаевтың жекпе-жегін ресми түрде жариялады

11.01.2025, 10:17

Қазақстандық файтер наурыз айында аустралиялық Стив Эрцегпен кездеседі

UFC Асу Алмабаевтың жекпе-жегін ресми түрде жариялады
әлеуметтік желі

UFC қазақстандық файтер Асу Алмабаевтың (21-2) аустралиялық Стив Эрцегке (12-3) қарсы жекпе-жегінің уақытын жариялады.

Асу Алмабаев пен Стив Эрцег 1 наурыз күні АҚШ-тың Невада штатындағы Лас-Вегас қаласында өтетін UFC Fight Night 253 турнирінде кездеседі.

«Наурыз айы керемет кешпен басталады», – деп жазады UFC.

Алмабаев UFC-дің жеңіл салмақтағы рейтингінде сегізінші орында, ал Эрцег тоғызыншы орынға жайғасқан. Асу үшін бұл UFC-дегі бесінші кездесу болмақ (4 жеңіс, 0 жеңіліс), ал оның қарсыласы үшін алтыншы жекпе-жек (3 жеңіс, 2 жеңіліс).

Айта кетейік, Стив Эрцег UFC-дегі соңғы екі жекпе-жегінде жеңіліске ұшыраған. 2024 жылдың мамыр айында ол бразилиялық Алешандре Пантожаға (29-5) төрешілер шешімімен есе жіберсе, тамыз айында жаңазеландиялық Кай Кара-Франстан (25-11) нокаутпен ұтылды.

Асу Алмабаев UFC-дегі дебютін 2023 жылдың тамыз айында Одди Осборнды сабмишн әдісімен жеңіп бастады, ал 2024 жылы СиДжей Вергараны, Хосе Джонсонды және Матеус Николауды төрешілер шешімімен бірінен соң бірін жеңді.

30 жастағы қазақстандық спортшы ММА-да қатарынан 17 рет жеңіске жетіп келеді. Николауды жеңгеннен кейін бірден жеті сатыға көтеріліп, UFC-дің үздік 7 файтерінің қатарына кірді, бірақ қазір жеңіл салмақта UFC рейтингінде сегізінші орынға тұрақтаған.

Материалда:

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам