Соңғы рет ол былтыр қарашада октагонға шығып, жеңіске жеткен еді
Қазақстандық аралас жекпе-жек шебері Жалғас Жұмағұлов Аустралияда өтетін UFC 312 турниріне қатысуы мүмкін.
8 ақпанда өтетін Сиднейдегі турнирде жапониялық Рэй Цуруя (10-0) мен аустралиялық Стюарт Николл (8-1) айқасы өтуі керек болған. Алайда, Николл жарақат алуына байланысты жекпе-жектен бас тартты. Жалғас болса аустралиялықтың орнына өзі шығуға дайын екенін айтып, UFC-ге ұсыныспен шықты.
Жалғас Жұмағұлов аустралиялықтың орнын басып, жапониялықпен төбелесуге дайын екенін X әлеуметтік желісінде жазған. Енді UFC басшылығы Цуруяны кардта сақтап қалу-қалмау жағын қарастырып жатыр.
«Спорт Шредингера» телеграм-каналыынң жазуынша, Жалғас Жұмағұлов UFC-дің резервіндегі файтерлер қатарында бар. Яғни, Дана Уайт оны кез келген уақытта октагонға шақырып қалуы мүмкін. Бұл жолы қазақ спортшысына мүмкіндік бере ме, жоқ па – ол жағы әзірге белгісіз.
Жалғас соңғы жекпе-жегін былтыр Словакияда өткізіп, уэльстік файтер Аарон Абиді жеңді.
