43 жастағы аяқдоп шебері дебютін 23 мамырда PFL Paris турнирінде өткізеді
Франция құрамасының, «Манчестер Юнайтед» пен «Ювентустың» бұрынғы футболшысы Патрис Эвра ММА-де бақ сынамақ.
43 жастағы аяқдоп шебері дебютін 23 мамырда PFL Paris турнирінде өткізеді.
Жартылай орта салмақта (77,1 кг) өтетін жекпе-жек форматы әрқайсысы үш минуттан (әуесқойлар сияқты) тұратын үш раундқа созылады. Қарсыласының есімі әзірге белгісіз, бірақ Эвраның өзі Луис Суареске шақыру тастаған: себебі 2011 жылы «Ливерпульде» ойнаған Суарес Эвраны «қара» деп атап, осы сөздері үшін сегіз матчқа шеттетілген болатын.
2024 жылы Париждегі PFL турниріне 20 мың көрермен жиналды, билеттер 20 минутта сатылып кеткен. Мұндай қызығушылықтың басты себепкері – бұрынғы кикбоксшы, қазіргі ММА спортшысы Седрик Думбе (6-1).
