Ермаштың Бразилиядағы оқиғасы: 20 минут картинасыз тікелей эфир жүргізіп, Ұлттық арнаны "құтқарды"
Жаңа орта оны қабылдамай, үнемі буллинг жасап келген
Ресейде самбошы қыз Ксения Челпанова өзіне қол салып қайтыс болды. Таулы Алтайдың тумасы Новосибирск қаласына көшіп келіп, спорттық мансабын жалғастырмақ болған екен. Алайда, жаңа орта оны қабылдамаған. Мұны ол өлер алдында қалдырған хатында жазып кетіпті.
Марқұмның айтуынша, жаңа таныстары оны жиі мазақ етіп, «қызықкөз» деген лақап ат қойып алған. Көргенде түртпектеп, мазасын жиі алатын көрінеді. Буллингке шыдамаған ол ақыры суицидке барды.
17 жастағы спортшының қазасы туралы ең бірінші болып Новосибирск аймақтық самбо федерациясы «ВКонтакте» әлеуметтің желісінде жазды.
«Мен бәлкім жақсы адам болмаған шығармын. Бірақ жаман адам дейтіндей әрекет істемедім. Менің кінәм қанша? Көзімнің қысық болып туғаны үшін жазықтымын ба? Терімнің қаралау болғаны да менің кінәм болып санала ма? Мен ешқашан ұлтым үшін ұялған емеспін. Алайда, кейбір адамдар маған қатысты өрескел әзілдеуін қоймады», - деп жазылған Ксенияның қоштасу хатында.
Спортшы қыз Мәскеуге үш рет барып, үшеуінде де нәсілшілдіктің құрбаны болғанын жазыпты. Сондай-ақ, ол суицидке баруына жігітімен болған кикілжіңнің еш қатысы жоқ екенін де жеткізген.
Ксения Челпанова екі жыл бұрын Таулы Алтай қаласынан Новосибирсктегі олимпиадалық резерв колледжіне оқуға түскен болатын. Осыған дейін аймақтық жарыстарда бірнеше рет жүлделі орындарға қол жеткізіп, І разрядты иеленген екен.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
