Ермаштың Бразилиядағы оқиғасы: 20 минут картинасыз тікелей эфир жүргізіп, Ұлттық арнаны "құтқарды"
Депутат Қазақстан құрамасының жеңісі таза болғанын алға тартты
Мәжіліс депутаты, Көкпар федерациясының президенті Айдарбек Хожаназаров Көшпенділер ойынындағы финалдық бәсеке туралы пікір білдірді. Мәжілісмен El.kz ақпарат агенттігіне берген сұхбатында көкпар ойнап жүрген балуандарға ескерту айтты.
«Финал өте таза өтті. Желідегі пікірлердің барлығын оқыдым. Меніңше, ең үлкен шайқас пікірлерде болды. Нақты алаңда бір-ақ шайқас болды. Біздің балуанымыз қырғыз ойыншысының басынан қамшымен салып жібергені бар. Егер қамшыдан қорқатын болсаң, көкпаршымын, балуанмын деп өзіңді атама. Бұл балет емес, хоккей емес. Ол мықтылықты, жігерлікті талап ететін ойын. Бұл – көкпар. Ал көкпарда қамшы тиіп кеткенде тұрған ештеңе жоқ. Оған қарамастан біздің балуанымыз ойыннан екі минутқа шеттетілді. Өз жазасын алды. Көкпар үшін 2 минут деген көп уақыт. Ол кезде қырғыздар 3:1 есебімен алда келе жатты. Оған қарамастан Қазақстан 5:4 есебімен ұтты», - деді мәжілісмен.
Депутат Қазақстан құрамасының жеңісі таза болғанын алға тартты.
«Менің ойымша, жеңіс таза болды. Ереже бұзу, сөзге келіп қалу барлық жерде болады. Футболда да жиі ойын бұзу жағдайы тіркеледі. Егер ойынды бұзған ойыншыны жазаға тартпай, әрі қарай жалғастыра берсе, онда осы кезде ойын бұзылды деп айтуға болады. Дегенмен біз ойыншымызды жазаладық. Көшпенділер ойыны бітті. Ал мына ойынды қайта қарап, реванш ойын өткізуге келіспеймін. Себебі финал өтті, жеңімпаз айқындалды. Ал егер алдағы уақытта басқа да жарыстар өтсе Қазақстан оған барып қатысады. Көкпар өзі үш елге ғана керек шығар. Олар - Қазақстан, Қырғызстан мен Өзбекстан», - деді Қожаназаров.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
