Танымал спортшы алдағы 4 жылда барлық жарыста топ жаруды көздеп отыр
Дзюдодан Олимпиада ойындарының екі дүркін чемпионы, жапониялық Хифуми Абэ алдағы жоспарымен бөлісті.
Халықаралық дзюдо федерациясы жариялаған сұхбатта танымал спортшы алдағы 4 жылда барлық жарыста топ жаруды көздейтінін атаған.
«Менің мақсатым - Олимпиада ойындарын үшінші рет жеңу. 2028 жылғы Олимпиадаға қатысу, соған дейінгі барлық әлем чемпионатында топ жаруды көздеймін. Бұл ретте менің жасым да біразға барады. Сондықтан жарақат алудан барынша сақтануым керек. Токио Олимпиадасынан бір жыл бұрын менің Олимпиадаға қатысатыным анықталды. Сол кездері маған қатты қысым болған жоқ, Олимпиадаға өте жақсы дайындалдым. Ал Париж Олимпиадасында басқаша болды. Токио Олимпиадасында өзімді үміткер ретінде сезініп, барымды салдым. Ал Парижде үміткер емес, өзімді кезекті рет дәлелдеуім керек екенін сезіндім», - дейді Хифуми Абэ.
Оның сөзінше, ол жаратақаттан барынша сақтануы үшін алдағы әлем чемпионаттарында белдесуді көздейді.
Сондықтан 2025-2028 жылдары аралығында өтетін әлем чемпионаттарының барлығына тұрақты қатысуға ниетті. Әрі жаттығуды да бос жібермей, Жапония құрамасындағы өзінің орнын үнемі дәлелдеп отыруды басты міндеті деп санайды.
Хифуми Абэ дзюдодан 66 келіде күреседі. Ол Токио және Париж Олимпиадасында өз салмағындағы барлық қарсыласын айқын жеңді. Сондай-ақ, спортшы әлем біріншілігінің 4 мәрте жеңімпазы. Хифуми 2018 жылы Бакуде өткен әлем чемпионатының финалында қазақстандық Ерлан Серікжановтан басым түскен еді. Оның туған қарындасы Ута Абэ де Олимпиада чемпионы, әлем чемпионатында 4 рет чемпион атанған.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
