Велоспорттан әлем чемпионы өз әйелін көлігімен қағып өлтірді

01.01.2024, 11:18

Ол Олимпиада ойындарының күміс және қола жүлдегері, әлемнің алты дүркін чемпионы

Велоспорттан әлем чемпионы өз әйелін көлігімен қағып өлтірді
instagram.com/rohandennis

Автралиялық велоспортшы, Олимпиада ойындарының жүлдегері және әлем чемпионы Роан Деннис өз әйелін өлтірді деген күдікпен ұсталды деп хабарлайды Daily Mail.

Дереккөздің хабарлауынша, Деннис көлікпен келе жатып, байқаусызда өз әйелі Мелисса Хоскинсты қағып кеткен. Марқұм да көзі тірісінде велоспортшы болған.

Оқиға 30 желтоқсанда Аделаида қаласында ерлі-зайыптылардың үйінің маңында болған.

Хоскинс ауруханаға жетіп қайтыс болды. Полиция 33 жастағы спортшыны дереу ұстап, оның үстінен қылмыстық іс қозғады. Қазір Деннис үйқамақта. 13 наурызда оның соты басталуы тиіс.

Роан Деннис 2023 жылы спорттық мансабын аяқтаған. Ол Олимпиада ойындарының күміс және қола жүлдегері, әлемнің алты дүркін чемпионы.

Ерлі-зайыптылардың екі баласы бар.

Бұл туралы не ойлайсыз?
Ұнайды 3
Ұнамайды 23
Күлкілі 4
Ашулану 15
×
Жаңалықтар Футбол Хоккей Бокс MMA Теннис Баскетбол Ұлттық спорт
Жаңа Подкаст! / Қазақ баласы қашан NHL-да ойнайды?