Ойын барысында төрешілер бұл сәтті байқамағандықтан, спортшы алаңнан қуылмады
Франция әйелдер құрамасының регбишісі Аксель Бертумье әлем чемпионаты кезінде даулы жағдайға тап болды. Англияда өтіп жатқан ширек финалда ол Ирландия ойыншысы Ифу Уэйфердің қолын тістеп алған.
Ойын барысында төрешілер бұл сәтті байқамағандықтан, спортшы алаңнан қуылмады. Нәтижесінде Франция құрамасы кездесуді 18:13 есебімен жеңіске жетті. Дегенмен, кейіннен World Rugby ұйымы оқиғаны қайта қарап, Бертумьеге 12 матчқа дисквалификация тағайындады. Осылайша ол турнирдің қалған кезеңдеріне қатыса алмайды.
Халықаралық федерацияның түсіндірмесінде былай делінген:
«Ойыншы өз кінәсін мойындап, өкініш білдіргенімен, әрекеттің ауырлығына байланысты және оны жасамауға толық мүмкіндігі болғандықтан жаза жеңілдетілген жоқ».
Бертумье жазаны жұмсартуға тырысқанымен, ол Instagram парақшасында арнайы жазба жариялап, қарсыласынан және Ирландия құрамасынан кешірім сұрады:
«Ирландияға қарсы матчта өзімді ұстай алмай қалдым. Мұндай қылықтың орынсыз екенін білемін және бұл менің чемпионаттағы ойыныма нүкте қойғанын түсінемін. Уэйфер мен Ирландия құрамасынан, сонымен бірге командадағы серіктестерім мен жанкүйерлерімізден шын жүректен кешірім сұраймын. Бұл – мен қалыптастырғым келетін образ емес. Жазаны қабылдаймын және толық жауапкершілікті өз мойныма аламын», – деп жазды спортшы.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
