$10 000: Қазақстандық қыздардың киберспорт лигасы CS2 турнирінің жүлде қорын екі есеге арттырды

Алмас Ахметов

Автор

26.09.2025, 18:26

Female Pro League — Қазақстан мен Орталық Азиядағы алғашқы халықаралық әйелдер киберспорт лигасы

$10 000: Қазақстандық қыздардың киберспорт лигасы CS2 турнирінің жүлде қорын екі есеге арттырды

Olimpbet Arena

Female Pro League #1 халықаралық турнирінің толық мәліметтері жарияланды. Ұйымдастырушылар турнирдің күндерін белгілеп, жүлде қоры жөніндегі ақпаратты жаңартты. Сондай-ақ, FPL аясында белгілі киберспортшылар мен инфлюенсерлер қатысатын медиа-турнир өтетіні хабарланды.

FPL-дің алғашқы маусымы CS2 ойыны бойынша $10 000 жүлде қорымен басталады.

Тіркеу 1 қазанда ашылады және 8 қазан, сағат 20:00-ге дейін (GMT+5) бүкіл әлемнен әйелдер командаларына қолжетімді болады.
Ашық іріктеу 9–12 қазан аралығында өтеді. Орталық Азия командаларына арналған іріктеу 11 қазанға жоспарланған.
Негізгі кезең 18–30 қазан күндері өтеді. Әр іріктеуден 4 командадан, жалпы 16 команда қатысады.
Үздік үш команда Алматыға келіп, LAN-матчтарда және гранд-финалда күш сынасады. Бұл матчтар 15 қарашада өтеді.

Female Pro League #1 туралы жаңалықтарды Telegram-каналынан @femaleproleague, FPL-дің Instagram парақшасынан және X желісіндегі (ағылшынша) парақшасынан біле аласыздар.

Female Pro League #1 жүлде қоры:

1-орын — $5 000
2-орын — $2 000
3-орын — $1 000
4–6 орындар — $500
7–8 орындар — $250

Сонымен қатар, FPL-ді қолдау мақсатында медиа-турнир өткізу жоспарлануда. Оған танымал киберспортшылар, медиа тұлғалар және өтініш берген қыздар қатысады.

Female Pro League — Қазақстан мен Орталық Азиядағы алғашқы халықаралық әйелдер киберспорт лигасы. FPL-дің мақсаты — қыздар үшін қауіпсіз әрі бәсекеге қабілетті орта құрып, ойын тәжірибесін арттыруға, әлемдік рейтингке ие болуға және жүлде табуға мүмкіндік жасау.

Дереккөз: Olimpbet Arena