![Қазақстан теннисшісі Португалиядағы турнирде топ жарды](https://1bol.kz/cache/imagine/1200/uploads/news/2024/04/07/6612ddd598edc210371079.jpeg)
Оған рейтингтік 250 ұпай берілді
Теннистен жұптық сында әлемдің рейтингте – бірінші, жекелей сында 44-ракеткасы қазақстандық Александр Недовесов эквадорлық Гонсало Эскобармен бірлесіп, Эшторил (Португалия) ATP 250 турнирінде топ жарды.
Олар финалда Франциядан келген Садио Думбия – Фабьен Ребул жұбымен кездесті. Бірінші сет тартысты өтті. Недовесов пен Эскобар басында екі брейк жасағанымен, қарсыластары жетіп алды. Есеп 5:5 кезінде тағы бір мәрте брейк жасаған Александр мен Гонсало алғашқы кезеңді өз пайдаларына шешті.
Ал екінші кезеңде Недовесовтің жұбы аса қиналмай, 6:2 есебімен басым түсті. Бұл жеңіс үшін қазақстандық және оның жұбы 30 610 евро сыйақы алды. Сонымен қатар, рейтингте 250 ұпай иеленді.