Үшінші сетте италиялық теннисші қазақстандыққа «баранка» тақты
«Ролан Гаррос» турнирінің ширек финалында қазақстандық Александр Бублик әлемнің бірінші ракеткасы италиялық Янник Синнермен кездесіп, ойсырай жеңілді.
Айта кетейік, ATP рейтингінде Бублик 62-орында тұрса, Синнер бірінші сатыда келеді.
Матч 1 сағат 50 минутқа созылды. Алғашқы сетте қазақстандық теннисші тек бір-ақ геймде жеңсе, екінші сетте тегеурінді қарсылық таныта білді, ал үшінші сетте Синнер Бубликке «баранка» тақты. Қорытынды есеп – 6:1, 7:5, 6:0.
Осылайша, «Ролан Гарростағы» соңғы қазақстандық теннисші жарысты аяқтады. Бұған дейін Елена Рыбакина мен Юлия Путинцева да жеңілген болатын.
Айта кету керек, Александр Бублик үшін «Ролан Гарростың» ширек финалы – үлкен жетістік. Бұрын-соңды ол «үлкен дулыға» санатындағы турнирлердің 1/4 финалына дейін жетіп көрмеген. Бұл жолы ол әлемнің бесінші ракеткасы – британдық Джек Дрейперді жеңіп, жарыс сенсациясын тіркеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
