Жәнібек Әлімханұлын жеңген боксшы ресейлікті нокдаунға жіберді (ВИДЕО)
Жәнібек екеуі 2017 жылы Қазақстан чемпионатында кездескен
Ресейдің Екатеринбург қаласында жұдырықтасудан өткен RCC Hard 12 турнирінде қазақстандық боксшы Михаил Коханчик пен ресейлік Владимир Мазур кездесті.
Жекпе-жек барысында Коханчик Мазурды нокдаунға жіберген, алайда төрешілер жеңісті бәрібір ресейлікке берді.
«Владимир Мазур RCC Hard 12 турнирінде нокдаунға түссе де, Михаил Коханчикчиктен жеңісті тартып алды. Мазур мен Коханчик жақын қашықтықта жұдырықтасты. Бірінші раундтың соңында Владимир джеб өткізіп алып, нокдаунға түсіп қалды, алайда әрі қарай Мазур өзінің мықтылығын дәлелдеп, төрешілер шешімімен жеңіске жетті», — деп жазды RCC баспасөз қызметі.
Михаил Коханчиктің бокстағы көрсеткіштері мынадай: 6-1, 5 КО. Әуесқой бокста ол 2017 жылы Қазақстан біріншілігінде болашақ әлем чемпионы Жәнібек Әлімханұлын жеңіп, сенсация жасаған.