Нариман Құрбанов Олимпиададан кейінгі алғаш рет жарысқа қатысады
Ол әлем кубогында басты фавориттердің бірі болмақ
Антальяда спорттық гимнастикадан әлем кубогының кезекті кезеңінде Нариман Құрбанов сынға түседі. Былтыр Олимпиада ойындарында күміс медаль жеңіп алғаннан кейін халықаралық жарыстардан тыс қалған спортшы үшін бұл жауапты дода болғалы отыр.
ҰОК тарапы Олимпиада жүлдегері әлем кубогы қарсаңында оқу-жаттығу жиынын Зейнолла Ыдырысовпен бірге өткізгенін хабарлады. Құрбанов биыл Әлем кубогының кезеңінде қола жүлдегер атанған. Бас бапкер Александр Ким екі спортшының бірге жаттығуы жоспар бойынша жүзеге асқанын атаған.
Халықаралық гимнастика федерациясы оны әлем кубогының басты фаворитінің бірі ретінде атап отыр. Бұл сында негізгі қарсыластарының бірі Олимпиада ойындарының үш дүркін жүлдегері, қытайлық Чжан Бохэн болмақ. Қытай өкілі де Олимпиададан кейін ешқандай жарысқа қатыспаған.
Антальядағы әлем кубогының іріктеу кезеңі 20-21 наурыз күндері аралығында өтеді. Ал финалдық бәсекелер 22 наурыз күні жалғасады. Бұл сында Қазақстан құрамасында Нариман Құрбановтан бөлек Асан Сәлімов, Роман Маменов, Зейнолла Ыдырысов қатысады.