Елена Рыбакина Дубайдағы турнирде чемпион атанды
23.12.2024, 09:36
Бұл турнирде Рыбакина төрт жекелей кездесу өткізді
Global Look Press
Дубайда өткен World Tennis League-2024 турнирінде Falcons командасы жеңімпазы атанды. Команда құрамында қазақстандық теннисші Елена Рыбакина, ресейлік Андрей Рублев, Канаданы танытқан Денис Шаповалов және француз теннисшісі Каролин Гарсия өнер көрсетті.
Бұл турнирде Рыбакина төрт жекелей кездесу өткізді. Ол бір жеңіске жетіп, үш рет жеңілді. Елена румын теннисшісі Симона Халепті 6:4 есебімен жеңсе, әлемнің бірінші ракеткасы белорус Арина Соболенкодан 6:7, польшалық Ига Швентектен 3:6 және ресейлік Мирра Андреевадан 2:6 есебімен ұтылды.
Жарнама
Жарнама