Бивол мен Бетербиев арасындағы жекпе-жектің уақыты белгілі болды

04.02.2024, 11:32

Бұған дейін Бетербиев жекпе-жек жақын уақытта болмайтынын мәлімдеген еді

Бивол мен Бетербиев арасындағы жекпе-жектің уақыты белгілі болды
Getty Images

Сауд Арабиясындағы кәсіпқой бокс кештерін ұйымдастырумен айналысып жүрген Турки Алалших жартылай ауыр салмақта әлемнің абсолютті чемпионы атағы үшін Артур Бетербиев (20-0, 20 КО) пен Дмитрий Бивол (22-0, 11 КО) арасындағы жекпе-жек 1 маусымда Эр-Риядта өтетінін ресми мәлімдеді. Бұл туралы ол The MMA Hour эфирінде айтты.

Аталған бокс кешінің андеркартында британ промоутері Эдди Хирннің 5 боксшысы өзге британдық маман Фрэнк Уорреннің 5 боксшысына қарсы жұдырықтасады. Бивол – Хирннің, ал Бетербиев Уоррен командасында.

Айта кету керек, қос боксшы да Ресейден. Десе де, Бетербиев соңғы бірнеше жылдан бері Канада атынан рингке шығып жүр.

Бүгінде Бетербиев жартылай ауыр салмақта IBF, WBC және WBO чемпиондық белбеулерінің иесі. Ал, Биволда WBA Super мен IBO титулдары бар.

Бұл туралы не ойлайсыз?
Ұнайды 48
Ұнамайды 6
Күлкілі 2
Ашулану 0
×
Жаңалықтар Футбол Хоккей Бокс MMA Теннис Баскетбол Ұлттық спорт
Марат Достаевпен Подкаст. Неге ҚФФ Медиалигаға тыйым салмайды?