Ол бүгін ең бірінші болып шаршы алаңға көтерілді.
Бүгін, 7 желтоқсанда, Дубайдағы (БАӘ) Халықаралық бокс қауымдастығы (IBA) ұйымдастырып жатқан 2026 жылғы әлем чемпионатында құрама сапынан алғаш болып Оразбек Асылқұлов шықты.
57 келінің өкілі Асылқұлов келесі кезеңнің жолдамасын Кабо-Верде спортшысы Элизандру Саншеш да Силвамен сарапқа салды. Бұл кездесуде қазақстандық былғары қолғап шебері сенімді түрде жеңіске жетті.
Кешкі сессияда Ертуған Зейнуллинов Моңғолия боксшысы Даваадалай Алтангэрэлмен жекпе-жек өткізсе, Абылайхан Жүсіпов армян спортшысы Арарат Арутюнянмен жұдырықтасады.
Айта кетейік, әлем чемпионаты 13 желтоқсанға дейін жалғасады. Турнирдің жалпы жүлде қоры – 8,32 миллион доллар.