Странджа кубогі: Дулат Бекбауов финалға шықты

10.02.2024, 22:08

Ол әлемнің және Азияның күміс жүлдегері

Странджа кубогі: Дулат Бекбауов финалға шықты
Қазақстан бокс федерациясы

Софияда (Болгария) өтіп жатқан дәстүрлі «Странджа» кубогінің финалына екінші қазақ боксшысы жолдама алды. 67 келіде өнер көрсеткен Дулат Бекбауов Алжир өкілі Абденасер Бенларибиді жеңді деп хабарлайды 1bol.kz тілшісі.

Дулат үш раунд бойы қарсыласының ашық жұдырықтасуына еш мүмкіндік берген жоқ. Соның нәтижесінде төрешілер 4:0 есебін тіркеп, жеңісті бірауыздан қазақ боксшысына берді.

Енді жерлесіміз «Странджа» кубогінің алтыны үшін рингке шығады. Ал, оның алжирлік қарсыласы қола жүлдені місе тұтады.

Еске салайық, бұған дейін 51 келідегі Санжар Тәшкенбай өзбекстандық қарсыласын жеңіп, финалға жолдама алған болатын.

Бұл туралы не ойлайсыз?
Ұнайды 0
Ұнамайды 0
Күлкілі 0
Ашулану 0
×
Жаңалықтар Футбол Хоккей Бокс MMA Теннис Баскетбол Ұлттық спорт
Жаңа Подкаст! / Қазақ баласы қашан NHL-да ойнайды?