Ол бұған дейін операция жасатқан еді.
Жартылай ауыр салмақтағы бұрынғы абсолютті әлем чемпионы Дмитрий Биволдың рингке қашан оралатыны белгілі болды.
Бивол Артур Бетербиевпен өткен реваншта жеңіске жетіп, абсолютті чемпион атанған соң, екеуара трилогия Сауд Арабиясында ұйымдастырылады деп жоспарланған еді. Алайда ресейлік боксшы алдымен ескі жарақатын емдеу туралы шешім қабылдап, беліндегі жарақатына байланысты операция жасатқан. Спортшының қалыпқа келу процесі шамамен жарты жылға созылды.
Қазір Дмитрий Бивол толық айығып, шаршы алаңға қайта оралуға дайын. Оның келесі қарсыласы IBF тұжырымы бойынша міндетті үміткер саналатын германиялық Майкл Эйфертболуы мүмкін. Боксшылардың командалары арасындағы келіссөздер бірнеше рет кейінге шегерілгенімен, соңғы мәліметтерге қарағанда, тараптар ортақ келісімге келген.
Source of Boxing дерегінше, бұл жекпе-жек 23 мамырда Мысырдың Гиза қаласындағы пирамидалардың маңында өтетін үлкен бокс кешінің андеркардында ұйымдастырылмақ. Сол кештің басты айқасында украиналық Александр Усик пен Нико Верховен кездеседі.
Егер Бивол Эйфертті жеңсе, сонан соң Артур Бетербиевпен үшінші жекпе-жек өткізуі мүмкін. Сондай-ақ ол жартылай ауыр салмақтағы WBC чемпионы Дэвид Бенавидеспенжұдырықтасуы да мүмкін деген болжам бар. Бірақ Бенавидес алдымен мексикалық Хильберто Рамиреспен жекпе-жек өткізеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
