Кездесу сәуірде өтеді.
Қазақстандық боксшы Сәкен Бибосынов кәсіби рингтегі үшінші жекпе-жегін өткізеді. Бұл айқаста ол мансабындағы алғашқы титулға таласады. Бұл туралы sportbugin.kz мәлімдеді.
Әлемнің екі дүркін чемпионы әрі Токио Олимпиадасының жүлдегері бұл жолы индонезиялық Сурия Дхармамен қолғап түйістіреді. Қарсыласының рекорды - 4 жеңіс (3 нокаут).
Бұл жекпе-жекте боксшылар WBA Asia белбеуі үшін таласады. Кездесу 17 сәуір күні Қырғызстан астанасы Бішкекте өтеді.
«Титулдық жекпе-жекке дайынмын. Бұл мен үшін он раундқа жоспарланған алғашқы айқас болады. Қарсыласым өте мықты», - деді Бибосынов.
Айта кетейік, Сәкен Бибосынов кәсіпқой бокстағы дебютін 2025 жылдың 20 шілдесінде Бішкекте өткізген. Ол кезде филиппиндік Кристиан Леганені бірінші раундта-ақ нокаутқа жіберіп, сенімді түрде жеңіске жеткен еді.
Екінші жекпе-жегі де Бішкекте өтті. Жергілікті боксшы Адилет Качкынбековке қарсы айқас толық қашықтыққа созылып, қазақстандық спортшы төрешілердің ортақ шешімімен жеңіске жетті.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
