Кездесу барысында қазақстандық спортшы басымдық танытып, шабуылды жиі өзі бастап отырды
Моңғолия астанасы Ұланбатырда өтіп жатқан World Boxing аясындағы 2026 жылғы Азия чемпионатында Қазақстан құрамасының өкілі Ертуған Зейнуллинов жартылай финалға шығып, кемі қола медальға қол жеткізді.
Қазақстандық боксшы ширек финалда Қырғызстан өкілі Мирзохид Имамназаровпен қолғап түйістірді. Жекпе-жек қорытындысы бойынша төрешілер жеңісті 3:2 есебімен Ертуған Зейнуллиновке берді.
Кездесу барысында қазақстандық спортшы басымдық танытып, шабуылды жиі өзі бастап отырды. Ол қарсыласының бұрыштарын шебер жауып, дәл соққыларымен ерекшеленді. Әсіресе, қосарланған джебтері, қапталға жылжуы және денеге бағыттаған сол қолмен соққылары нәтижесін берді.
Осылайша, Ертуған Зейнуллинов турнирдің жартылай финалына жолдама алып, өзіне кем дегенде қола жүлдені кепілдеді. Ал қырғызстандық Мирзохид Имамназаров жарысты жүлдесіз аяқтады.
Айта кетейік, бұған дейін 1/8 финалда Ертуған Тайвань боксшысы Ю Линьді төрешілердің бірауыздан шығарған шешімімен жеңген болатын.
Ұланбатырдағы Азия чемпионаты 10 сәуірде аяқталады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
