Бек Нұрмағанбеттің келесі қарсыласы анықталды
Қазақстандық кәсіпқой боксшы Бек Нұрмағанбет (15-0, 13 KO) келесі қарсыласының есімін білді.
Жеңілістің ащы дәмін татпаған отандасымыз 25 шілде күні Алматыда өтетін кәсіпқой бокс кешінде ресейлік Артыш Лопсанмен (14-3-2, 9 KO) қолғап түйістіреді.
Бек Нұрмағанбет соңғы рет былтыр қыркүйек айында шаршы алаңға шығып, америкалық Стивен Самптерді (11-2-1, 9 KO) мерзімінен бұрын жеңген болатын. Осылайша қазақстандық кәсіпқой бокстағы жеңіс сериясын 15 жекпе-жекке дейін жеткізді.
Ал Артыш Лопсан соңғы кездесуін биыл қаңтар айында өткізіп, отандасы Чеэрав Ашалаевқа (2-0) төрешілердің бірауыздан шығарған шешімімен есе жіберді.
Лопсан кәсіпқой мансабын 2019 жылы бастаса, Нұрмағанбет 2020 жылдан бері кәсіби рингте өнер көрсетіп келеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
