![Өзбекстандық кәсіпқой боксшы дебюттік жекпе-жегін жойқын нокаутпен аяқтады (ВИДЕО)](https://1bol.kz/cache/imagine/1200/uploads/news/2024/03/06/65e80db8471af038945416.jpg)
Ол екінші жеңіл салмақта өнер көрсетеді
Бокстан өзбекстандық Олимпиада чемпионы Хасонбай Дусматовтың бауыры Фарёзбек Дусматов кәсіпқой бокстағы алғашқы жекпе-жегін өткізіп, жеңіске жетті.
Оңтүстік Кореяның Пучхон қаласында өткен бокс кешінде Дусматов филиппиндік боксшы Джовер Армистосомен (5-2, 1 КО) жұдырықтасты. Алты раундқа жоспарланған кездесу небәрі бірінші раундта нокаутпен аяқталды. Өзбек боксшысының соққылар сериясынан есеңгіреп қалған Джовер жекпе-жекті жалғастырудан бас тартқан.
Осылайша Фарёзбек Дусматов кәсіпқой бокстағы дебютін сәтті бастады. Филиппиндік боксшы болса үшінші рет жеңіліп отыр.