Қандасымыз биыл Париж Олимпиадасында бақ сынайды.
Қытайда тұратын этникалық қазақ боксшысы Тоқтарбек Таңатқан жанкүйерлерін Құрбан айт мерекесімен құттықтап, тілегін жолдады.
Биыл Париж Олимпиадасында бақ сынайтын белгілі спортшы әлеуметтік желіде бейнежазба жариялап, қасиетті мерекені атаусыз қалдырмады.
«Барша жанкүйердерді Құрбан айт мерекесімен құттықтаймын. Келіп жеткен мереке қабыл болсын! Мерекелеріңіз мерейлі, күндеріңіз көңілді, отбасыларыңыз бақытты болсын», - деді боксшы.
Тоқтарбек Таңатқан өткен жылы Ташкентте өткен әлем чемпионатында финалға дейін жетіп, шешуші сында Нұрбек Оралбайға төрешілер шешімі бойынша есе жіберген еді. Кейін ол Азия Ойындарында топ жарып, Париж Олимпиадасының жолдамасын иеленді.
Айта кететін жайт, қандасымыз Токио Олимпиадасына қатысушы. 75 келіде сынға түскен қазақ боксшысы іріктеу кезендерінде болашақ Олимпиада чемпионы Эберт Консейсаннан ұтылған болатын.
Елимай
Кайрат
Актобе
Ордабасы
Астана
Тобол
Атырау
Кайсар
Жетысу
Кызылжар
Туран
Женис
Шахтёр
-
