Ермаштың Бразилиядағы оқиғасы: 20 минут картинасыз тікелей эфир жүргізіп, Ұлттық арнаны "құтқарды"
Шымкентте өтетін халықаралық турнирден кейін шешім қабылданады
Қазақстан бокс федерациясы World Boxing ұйымына мүшелікке енетіні белгілі болды. Осы орайда біз федерация президентінің кеңесшісі Тұрсынғали Еділовке хабарласып, мәселенің мән-жайын анықтауға тырыстық.
Еділов бұл шешімнің аяқасты қабылданбағанын айтты. Дегенмен, федерацияның қай бағытта жұмыс істейтіні алдағы уақытта нақтыланады.
«Өздеріңіз білесіз, Халықаралық олимпиада комитеті ІВА-ны құрамынан шығарып тастап, соңғы Олимпиададағы бокс жарысын өзі ұйымдастырып жүр. Тіпті, Умар Кремлев басқаратын ұйымға мүше федерациялар 2028 жылы Лос-Анджелестегі аламанға қатыспайды деп те ескерткен. Сондықтан ҰОК президенті Геннадий Головкин отандық федерацияға ІВА-дан кетуге кеңес берді. Міне, бұл мәселе Париждегі аламаннан бері талқыланып келе жатқан. Бүгін Головкиннің World Boxing-те басшылық қызметке тағайындалғаны айтылды. Содан соң біздің федерацияның да осы ұйымға кіруге өтініш бергені жазылды. Шешімді федерация президенті мен ҰОК басшылығы біріге отырып қабылдаған», - деді Еділов.
Федерация президентінің кеңесшісі екі кеменің басын ұстап қалу мүмкін еместігін де қоса кетті. Тиісінше, федерация ІВА-ден шығып, одан қалды құрама Азия чемпионатына да қатыспауы мүмкін.
«Әлі президентпен сөйлескен жоқпын. Біз үшін маңыздысы – Олимпиада ойындарына қатысу. Мұның бәрі сол үшін жасалып жатқан қадам. Әзірге қандай жарыста бақ сынап, қандай іс-шаралар өтетінін білмеймін. Алдағы Азия чемпионатына да қатыспауымыз мүмкін. Мұның бәрі Шымкентте өтетін турнир кезінде шешіледі. Сол жақта жиналыс өтіп, жан-жақты талқылайтын боламыз», - деп қосты Тұрсынғали Еділов.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
