Qazaq Style 4 қазанда Жәнібек Аустралияда жаңазеландиялық боксшы Андрей Михайловичті нокаутпен жеңген болатын
Кәсіпқой бокстан орта салмақта WBO және IBF тұжырымдары бойынша әлем чемпионы Жәнібек Әлімханұлы британдық Хамза Ширазбен міндетті жекпе-жек өткізуі тиіс. Ол аталған кездесуде WBO титулын қорғайды. Осы жаңалықты естігеннен кейін қазақ боксшысы мәлімдеме жасады.
Есте болса, 4 қазанда Жәнібек Аустралияда жаңазеландиялық боксшы Андрей Михайловичті нокаутпен жеңген болатын.
«Мен дайынмын! Жұрттың бәрі менің Хамзамен жекпе-жек өткізуден қашып жүр деп айыптаған еді. Енді күтіңдер», - деп жазды Әлімханұлы өзінің X-парақшасында.
Айта кетейік, күні кеше WBO ұйымы Жәнібекті Хамзамен жұдырықтасуға міндеттеген еді. Екі тарап 15 тәулік ішінде өзара келісімге келіп, жекпе-жектің өтетін орны мен күнін анықтауы тиіс. Ал, егер келесімге келе алмаса промоутерлік сауда өткізіледі.
«Көрдіңіздер ме, енді бәрі ресми! Мен және менің командам дайынбыз. Енді Хамзаның ағасынан жауап күтеміз», - деп жазды Әлімханұлы.
Андрей Михайловичпен болатын жекпе-жек алдында WBO ұйымы чемпиондық белбеуді Жәнібектен алып қойып, вакантты ететінін айтқан болатын. Алайда, артынша бұл ойынан айнып, қазақ боксшысына оны қорғауға мүмкіндік беретіні белгілі болды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
