Боксшы Нұрбек Оралбай танымал блогер Хасбикпен түскен видеосын жариялады
Париж олимпиадасының күміс жүлдегері Нұрбек Оралбай мен танымал блогер Хасбик қазақстандық боксшыларға қолдау көрсетті.
Бұл күндері қазақстандық боксшылар Таиландтағы Азия чемпионатында бақ сынап жатыр. Соның ішінде ерлер құрамасынан тоғыз былғары қолғап шебері финалға шыққан. Нұрбек пен Хасбик финалдық айқастар алдында Айбек Оралбай, Махмұд Сабырхан мен Санжар Тәшкенбайға сәттілік тілеген. Видеоны Нұрбек жариялады.
«Санжар, Махмұд, Айбек, саламалейкум! Сәттілік! Төбелесіңдер, жеңіспен оралыңдар», - деді Хасбик.
Ал Нұрбек өз кезегінде «Чемпион болыңдар» деп қосты.
Айта кетейік, биылғы сары құрлық біріншілігіне Нұрбек жарақатына байланысты қатысқан жоқ.
