Жаңажылдық шығарылым! Ерсін Ерік, Ермұхамед Мәулен, Олжас Байбосын, Уәлихан Қосанбай, Эльдар Аманбаев
Ол турнирдің ұйымдастырылу деңгейі мен қарсыластардың сапасы сын көтермейтінін айтқан
Кеше Алматыда өткен бокс турнирі жанкүйерлер арасында кең талқыланып жатыр. Осыған орай қазақстандық кәсіпқой боксшы Мадияр Ашкеев өз пікірін ортаға салды.
Мадияр Ашкеевтің сөзінше, турнирдің ұйымдастырылу деңгейі мен қарсыластардың сапасы сын көтермейді. Ол кәсіпқой бокс жанкүйерлер үшін шынайы және тартысты болуы керектігін алға тартты. Алайда бұл жолы көптеген сұрақтар туындап, көптің көкейінде жауапсыз қалған.
«Кәсіпқой бокс туралы айтқанда, біз боксшылардың шынайы бәсекелестігін көреміз деп күтеміз. Алайда енді қарсыластар ретінде актерлерді, атап айтқанда, үнді актерлерін шақыра бастадық. Бұған жауапты кім?» – дейді Мадияр Ашкеев.
Ол мұндай жағдайларды матчмейкерлер мен менеджерлердің бақылауы керектігін баса атап өтті.
«Промоутерлер шоу ұйымдастырып, қаржы табуды ғана ойлайды. Ал матчмейкерлер мен менеджерлер қарсыластардың деңгейін қадағалап, жекпе-жектердің сапасын қамтамасыз етуге міндетті. Бұл жанкүйерлерге деген әділетсіздік», - деді кәсіпқой боксшы.
Бұдан бөлек, Мадияр Ашкеев алдағы уақытта Қазақстанда бокс платформасын дамыту және ақылы трансляциялар ұйымдастыру туралы идеялар айтылса да, осындай сапасыз турнирлер арқылы бұл жоспарларды жүзеге асыру қиын болатынын жеткізді.
«Сіздерге қарсылас таңдаған кезде шындықты айтып, батылдық танытыңыздар. Егер қарсыластың деңгейі төмен болса, "мен онымен жұдырықтаспаймын, себебі оның рекорды сәйкес емес" деп айтыңыздар», – деді боксшыларға үндеу жасаған М.Ашкеев.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
