Ол өз әлем чемпионы атағына қатысты талап қойды
Орта салмақта WBO және IBF нұсқалары бойынша әлем чемпионы қазақстандық Жәнібек Әлімханұлы (16-0, 11 КО) әлеуметтік желіде жаңа жазба жариялады.
Ол өз салмағында абсолютті әлем чемпионы атағына қатысты талап қойды.
«Маған абсолютті әлем чемпионы атағы керек. Тездетіп соның әрекетін жасайық», - деді Әлімханұлы Instagram-дағы парақшасында.
Сондай-ақ Жәнібек Top Rank промоутерлік компаниясының басшысы Боб Арум мен Сауд Арабиясының Ойын-сауық басқармасының төрағасы Турки әл аш-Шейхті белгілеп кеткен.
Бұған дейін Әлімханұлының көктемде айқас өткізетіні хабарланған. Боксшының өзі де жекпе-жек уақыты белгілі екендігін айтты.
Естеріңізге сала кетейік, Әлімханұлы шаршы алаңға соңғы рет 2024 жылғы 4 қазанда Сиднейде шығып, тоғызыншы раундта жаңазеландиялық Андрей Михайловичті (21-1, 13 КО) нокаутқа түсірді.
