Черчесовтың түбіне «қазақ тілі» жетті ме? Жаңа бапкерге – жаңа талап. Қазақты мазақ қылғандар туралы
Ол өзінен 13 жас кіші боксшымен жұдырықтасты
Қазақстандық кәсіпқой боксшы Сергей Липинец (18-3-1, 13 КО) IBO нұсқасы бойынша әлем чемпионы атағы үшін жекпе-жекте нокаутпен жеңілді.
Англия астанасы Лондонда өткен бокс кешінде отандасымыз 22 жастағы жергілікті Адам Азиммен (12-0, 9 КО) жұдырықтасқан болатын. Жекпе-жек алғашқы орта салмақ дәрежесінде өтті.
35 жастағы Липинец үшінші раундта нокдаунға түсіп қалды. Мұнан кейін ол бірнеше рет шабуылдап көргісі келген. Алайда, британдық боксшы сауатты қорғанып, қарымта шабуылдар ұйымдастырды.
Тоғызыншы раундта қазақстандық боксшы жекпе-жекті жалғастыруға шамасы келмеді. Басынан тым көп соққы алғандықтан төреші кездесуді тоқтатып, техникалық нокаут тіркеді.
Осылайша, Сергей Липинец кәсіпқой бокс карьерасында төртінші рет жеңілді, оның екеуі нокаутпен. Ал, Адам Азим болса 13-ші жеңісіне қол жеткізіп отыр, оның 10-ы нокаутпен. Ол мүлдем жеңілмеген.
