Черчесовтың түбіне «қазақ тілі» жетті ме? Жаңа бапкерге – жаңа талап. Қазақты мазақ қылғандар туралы
Қазақ боксшысы кәсіпқой рингте мүлдем жеңіліп көрмеген
Алғашқы орта салмақта өнер көрсететін қазақстандық кәсіпқой боксшы Садриддин Ахмедовтің (15-0, 13 КО) келесі қарсыласы анықталды.
BoxRec мәліметінше, 27 жастағы Ахмедов шаршы алаңға 19 сәуірде оралады. Жекпе-жек Коммерс қаласында (Калифорния, АҚШ) өтеді және 10 раундқа жоспарланған. Қарсылас – 34 жастағы мексикалық боксшы Элиас Эспадас (23-6, 16 КО).
Эспадасты азулы қарсылас деп айта алмайсың. Қазақ боксшысынан жеті жас үлкендігі өз алдына, ол кәсіпқой рингте алты рет жеңілген, соның екеуінде ауыр нокаут алған.
Садриддин Ахмедов болса керісінше, тек екі жекпе-жегінде ұпай санымен басым түсіп, қалған 13 қарсыласының бәрін нокаутпен жеңген. Соңғы рет ол былтыр желтоқсанда рингке көтеріліп, америкалық Рафаэль Игбокве есімді боксшыны жетінші раундта ұрып құлатқан еді.
