Ол – Моңғолияның 3 дүркін чемпионы. Азия чемпионатының қола жүлдегері
Моңғолия астанасы Ұлан-Батыр қаласында кәсіпқой бокстан WBA нұсқасы бойынша Орталық Азия чемпиондық белбеуі үшін «Чемпиондар түні, Ulaanbaatar-2025» турнирі өтті.
Бұл турнирде Моңғолиядағы қазақ боксшысы Бекнұр Қалиұлы кәсіпқойдағы алғашқы жекпе-жегін қырғыз боксшысына қарсы өткізді. Ол өзінен 18 келі ауыр қарсыласы Токтосун Уулу Бекболсунды үшінші раундта техникалық нокаутпен жеңді. Бекнұр Қалиұлы алғаш рет кәсіпқой бокста өнер көрсетіп отыр.
Бекнұр Қалиұлы – әуесқой бокстан Моңғолияның 3 дүркін чемпионы. Азия чемпионатының қола жүлдегері.
Бокс кешіне Моңғолиядан бөлек Ресей, Үндістан, Қырғызстан, Өзбекстан, Мексика, Филиппин боксшылары бақ сынады
